Еліміздің батысы мен оңтүстігінде жаңбыр жауады

Республиканың қалған аумағында күн жауын-шашынсыз болады. Өңірлерде тұман түсіп, жел күшейеді, оңтүстікте найзағай ойнап, бұршақ жаууы ықтимал.

Жаңбыр
Фото: Goodfon.ru

“Қазгидромет” синоптиктерінің мәліметінше, атмосфералық фронттардың өтуіне байланысты 8 сәуірде республиканың батысы мен оңтүстігінде жаңбыр жауады.

Маңғыстау, Батыс Қазақстан, Қостанай, Павлодар, Қарағанды, Алматы, Атырау, Солтүстік Қазақстан облыстарында тұман түседі. Жамбыл облысында тұман түсіп, 15-23 м/с жел соғады. Шығыс Қазақстан облысында тұман түседі, күндіз 15-20 м/с жел соғады. Қызылорда облысында 15-23 м/с жел соғып, шаңды дауыл тұрады. Ақтөбе облысында 16 м/с жел соғады. Түркістан облысында 15-20 м/с жел соғып, найзағай ойнайды, бұршақ жаууы мүмкін.

Үлкен Алматы және Кіші Алматы шатқалдарында қар көшкіні қаупі бар. Алматы, Жамбыл, Шығыс Қазақстан, Павлодар облыстарында су тасқыны болуы мүмкін.

Біздің Telegram-каналымызға жазылыңыз!