Алматы төтенше жағдайлар департаменті 21-22 ақпан күндері таулы аймақтарға бармауды ескертеді.
Департаменттің баспасөз қызметінің хабарлауынша, «Қазгидромет» РМК филиалының 2019 жылғы 21 ақпандағы №2 ескертуі бойынша жауын-шашынның түсуіне, қар жамылғысының тұрақсыздығы мен биіктігінің жоғары болуына байланысты Кіші Алматы су алабында 21-22 ақпан күндері қар көшкіні жүруі мүмкін.
Алматы төтенше жағдайлар департаменті таулы аймақтарда серуендеу және қарлы беткейлерде сырғанау өмірге қауіпті екенін ескертеді, — деп хабарлады ТЖД баспасөз қызметі.
