«Қазгидромет» РМК синоптиктерінің хабарлауынша, еліміздің солтүстігі мен шығысында фронталдық бөліктердің өтуіне байланысты кей жерлерде қар жауады.
Ақмола, Солтүстік Қазақстан, күндіз Қостанай, Павлодар облыстарының кей жерлерінде бұрқасын болуы мүмкін. Жел 15-20 м/с күшейеді. Солтүстік Қазақстан, Қостанай облыстарының кей жерлерінде тұман, көктайғақ болады.
Жамбыл, Маңғыстау, Қарағанды облыстарының жекелеген аумақтарында тұман түседі. Маңғыстау облысында желдің екпіні 15-20 м/с артып, күндіз Қарағанды облысының кей жерлерінде жаяу бұрқасын жүреді.
Шығыс Қазақстан облысының кей аумақтарында бұрқасын болады. Күндіз Қызылорда облысында желдің жылдамдығы 15-20 м/с күшейеді.