Айдос Сарым Қоғамдық даму министрінің кеңесшісі болып тағайындалды

Айдос Сарым мемлекеттік органдарда, саяси партияларда, қоғамдық ұйымдарда қызмет етті.

Айдос Сарым
Айдос Сарым. Фото: Diakom.gov.kz

Белгілі саясаттанушы, қоғам қайраткері Айдос Сарым ҚР Қоғамдық даму министрінің штаттан тыс кеңесшісі болып тағайындалды. Бұл туралы ҚР Қоғамдық даму министрлігінің баспасөз қызметі хабарлады.

Айдос Сарым 1975 жылы 10 қыркүйекте туған. 1992 жылы Әл-Фараби атындағы Қазақ ұлттық университетін тарих мамандығы бойынша тәмамдаған.

Ол әр жылдары ҚР Мұрағаттар мен құжаттамалар бас басқармасының бас инспекторы, кеңесшісі, Қазақстан стратегиялық зерттеулер институтының ғылыми қызметкері, Атырау облысы ішкі саясат департаментінің директоры, ҚР Президенті әкімшілігінің сектор меңгерушісі, “Ақ жол” партиясының баспасөз хатшысы, кеңесшісі, “Нағыз Ақ жол” партиясы тең төрағасының кеңесшісі, “Жас Алаш” газеті бас редакторының орынбасары, ҚР Ұлттық кітапханасы директорының кеңесшісі қызметтерін атқарды.