Бүгін атмосфералық фронттардың өтуіне байланысты Қазақстанның басым бөлігінде ауа райы құбылмалы болады. Жаңбыр, қар жауып, кей жерлерде нөсер жауын құяды. Тек елдің батысында және оңтүстік-батысында ауа райы жауын-шашынсыз болмақ.
Республиканың кей жерлерінде жел күшейіп, тұман, көктайғақ, бұрқасын күтіледі. Республиканың оңтүстік бөлігінде кей жерлерде найзағай ойнайды.
Ақмола облысының кей жерлерінде тұман түсіп, көктайғақ болады, желдің жылдамдығы 15-20 м/с-ға дейін жетеді.
Қостанай облысының кей жерлерінде жел күшейіп, жылдамдығы 15-20 м/с болады. Түнде тұман түсіп, көктайғақ, бұрқасын күтіледі.
Солтүстік Қазақстан облысының кей жерлерінде тұман, көктайғақ, бұрқасын, желдің жылдамдығы 15-20 м/с-ға дейін күшеюі күтіледі.
Шығыс Қазақстан облысының кей жерлерінде тұман түсіп, желдің жылдамдығы 15-20 м/с болады, түнде көктайғақ күтіледі.
Жамбыл, Оңтүстік Қазақстан облыстарының кей жерлерінде найзағай ойнап, желдің жылдамдығы 15-20 м/с-қа дейін жетпек.
Алматы, Қызылорда, Маңғыстау, Батыс Қазақстан, Ақтөбе, Қарағанды, түнде Атырау, Павлодар облыстарының кей жерлерде тұман түседі, Алматы облысының кей жерлерінде түнде желдің жылдамдығы 15-20 м/с-ғ дейін жетеді.
