Аталған шараның басты мақсаты — Қазақстанда брэйкдансты Олимпиадалық спорт түрі ретінде дамытып, жастар арасында салауатты өмір салтын насихаттау.
Алматыда басталған бұл чемпионат 27-29 сәуір күндері Ресейдің Қазан қаласында өтетін ComboNation Халықаралық брэйкданс чемпионатына ресми іріктеу кезеңі болып саналады. 2018 жылдың көктемінде іріктеуден өткен Орта Азия мен Ресейдің бишілері бас қосады. Би чемпионатын «BBoy»-лықтар мен әлемнің чемпиондары BBoy Alkolil, BBoy Jamal, сондай-ақ, «Биле, Қазақстан» телешоуының қатысушысы, алматылық BBoy Neutron бағалайтын болады. Бишілердің өнерін талғамды әндермен әрлейтін диджей әлемге танымал DJ Legioner болса, шараны BBoy Fix жүргізеді.
Ашық чемпионаттың іріктеу кезеңіне қатысу үшін instagram.com/ggbatle2018 парақшасына өтіп, тіркелу қажет.
Айта кетейік, 2018 жылдың көктемінде Алматыда Әлемдік брэйкданс чемпионатына іріктеу үшін тағы да байқау ұйымдастырылатын болады.
