Қуаты ұзақ уақытқа жететін смартфондар рейтингі жарияланды

Ең ұзақ пайдалануға болатын смартфондар рейтингі жарияланды. Рейтингті PhoneArena ресурсы 2017 жылғы негізгі гаджеттерді тестілеуден өткізген соң жасаған.

Смартфон
Фото: inform.kz

Ең ұзақ пайдалануға болатын смартфондар арасында қуаты 11 сағатқа жуық уақытқа жеткен Samsung Galaxy S8 Active көш бастады, деп хабарлайды Korrespondent.net.

Екінші орынды 10 сағат 35 минут көрсеткішпен iPhone 8 Plus иеленді, ал үздік үштіктің қатарынан 9 сағат 34 минут көрсеткішпен LG V30 смартфоны көрінді.

Бұл ретте S8 Active аккумуляторының сыйымдылығы 4000 мАч, ал iPhone 8 Plus тек 2691 мАч қана құрайды.

Басылымның хабарлауынша, тестілеу гаджеттердің күнделікті пайдалануына бейімделген арнайы әдістеменің көмегімен жүргізілген. Осылайша, құрылғылардың шынайы энергия тұтыну көрсеткіштері анықталды.

Біздің Telegram-каналымызға жазылыңыз!