Халықаралық Euronews телеарнасы Орталық Азияда алғаш рет қазақ тілінде жаңалықтар мен сұхбаттар шығаруды бастайды. Бұл туралы Baribar.kz хабарлап отыр.
Мәдениет және ақпарат бірінші вице-министрі Қанат Ысқақовтың айтуынша, қазір Euronews Қазақстан аумағында орыс тілінде хабар таратады. Ал алдағы уақытта телеарнаның интернет-платформасында қазақ тіліндегі жаңалықтар шығарылымдары мен сұхбаттар болады.
Бұл бастама мемлекеттік тілдегі халықаралық ақпараттық контенттің үлесін арттыруға мүмкіндік береді, — деді бірінші вице-министр орталық коммуникациялар қызметінде өткен баспасөз мәслихатында.
Сонымен қатар Euronews Қазақстанда қазақ тілінде бірнеше ірі жобаны іске қосуды жоспарлап отыр. Жобалардың нақты форматы мен іске қосылу мерзімі кейінірек жарияланады.
