Не болды?
Ербол Хамитов 2026 жылғы Милан–Кортина қысқы паралимпиада ойындарында алтын жүлде жеңіп алды. Мемлекет басшысы Қасым-Жомарт Кемелұлы Тоқаев спортшыны құттықтады. Бұл туралы Baribar.kz хабарлап отыр.
Мәлімет
Ақорданың ақпаратына қарағанда, президент спортшының табанды еңбек пен ерік-жігердің арқасында қиын жолды еңсеріп, керемет жетістікке қол жеткізгенін атап өткен.
Қасым-Жомарт Тоқаев Ербол Хамитовке жарқын жеңіс, қажымас қайрат және зор денсаулық тіледі.
Ақпарат
Бұл жеңіс — ел тарихындағы пара биатлоннан алынған алғашқы алтын медаль.
Қазақстан құрама командасының туын ұстап шыққан Ербол Хамитов бұған дейін шаңғы жарысынан паралимпиаданың қола жүлдегері атанған еді.
