«Қазгидромет» РМК баспасөз хатшысы Алина Исмағұлова 10 сәуірдегі ауа райы жағдайына қатысты мәліметтерді жариялады.
Қазақстан аумағының басым бөлігінде құбылмалы ауа райы сақталады, жаңбыр жауады. Республикамыздың солтүстік-батысында, солтүстігінде, шығысында, оңтүстік-шығыстың таулы аудандарында түнгі кезде жаңбыр мен қар, ал күндіз нөсер жауады, — деді ол орталық коммуникациялар қызметіндегі брифиңде.
Оның сөзіне қарағанда, еліміздің оңтүстік-батысында, оңтүстігінде күн жауын-шашынсыз болады.
Синоптиктердің мәліметінше, республика бойынша тұман түсіп, жел күшейеді. Елдің батысында, оңтүстік-шығыста найзағай ойнайды.