Қазақстанда банкроттық процесс жеңілдейді. Бұл туралы қаржы вице-министрі Ержан Біржанов айтты.
Кейінгі деректер бойынша, 80 мыңнан астам адамның өтініші қаралып, қазір 10 мыңға жуық адам банкрот деп танылып жатыр. Бұл бағыттағы жұмыстарды наурыз айында бастадық. Содан бері алты ай уақыт құжаттарды тексеру рәсімдеріне арналды. Осы ретте, екі рет мониториң жасалды. Сондықтан алғашқы банкрот мәртебесін алғандар қыркүйек айынан басталды, — деді Ержан Біржанов мәжілістің жалпы отырысынан кейін тілшілер сұрағына жауап бере отырып.
Оның айтуынша, қыркүйектен бері 10 мыңға жуық адам банкрот ретінде танылды.
Ары қарай бұл бағыттағы жұмысты жалғастырамыз. Қосымша заңнамалық өзгерістер енгізіледі. Атап айтқанда, банкроттық процесті жеңілдетуді қарастырдық. Осы орайда банктен алатын құжаттардың санын азайту, қосымша құжаттарға тыйым салу ескерілген. Мәселен, адамдар өтініш берілгеннен кейін, біз басқа мемлекеттік органдармен және банктермен ақпарат алмасу арқылы банкроттық рәсімін қараймыз. Демек, қазір байқалған кедергілерді жоюға назар аударып отырмыз, — деді вице-министр.
Оның сөзіне қарағанда, тиісті өзгерістерді заң жобасы аясында Мәжіліс депутаттары қарастырып жатыр.