Ауа райының қолайсыздығына байланысты республикалық жолдардың тағы үш учаскесінде көлік қозғалысына шектеу енгізілді.
Бұл туралы QazAvtoJol компаниясы хабарлады.
Ақмола облысында:
- «Екатеринбург – Алматы» күре жолының Атбасар қаласынан Астрахан ауылына дейінгі жол аралығы жабылды.
- «Көкшетау – Атбасар» тасжолының Зеренді ауылынан Атбасар қаласына дейінгі аралығы жабық.
Батыс Қазақстан облысында:
- «Чапаев – Казталовка» автожолында қозғалысқа тыйым салынды.
Айта кетейік, бүгін таңертең екпінді жел мен қатты жаңбыр салдарынан еліміздің үш өңіріндегі сегіз жол учаскесінде жол қозғалысына шектеу енгізілген болатын.