Ақмола облысында жүк пойызының вагондары рельстен шығып кетті. Бұл туралы ҚТЖ баспасөз қызметі хабарлады.
Оқиға 16 қарашада сағат 12.50-де Астана–Қарағанды учаскесінде болған.
Жүк пойызының өтуі кезінде вагондард рельстен шығып кетті. Зардап шеккендер жоқ. Басқа пойыздарға кідіріс болған жоқ. Пойыздар іргелес жол бойымен жүріп жатыр, — делінген хабарламада.
Рельстен шығу салдарын жою үшін Астана және Қарағанды станцияларынан қалпына келтіру пойыздары жөнелтілді.