Ставкалар 2023, 2024 және 2025 жылдарға бекітілген.
Атап айтқанда, салық кодексінің 463-бабы 4-тармағының 1) тармақшасындағы кестенің 14, 15, 16, 18, 21 және 22-жолдарына өзгерістер енгізілді.
Фильтрі бар сигареттер:
- 2023 жылы – 14 100 теңге/1 000 дана;
- 2024 жылы – 15 900 теңге/1 000 дана;
- 2025 жылы — 15 900 теңге /1000 дана.
Сонымен қатар сигарилларға акциз ставкалары сигареттер ставкаларына теңестірілген.
Қыздырылатын темекісі бар бұйымдарға өлшем бірлігін килограмнан данаға өзгерте отырып, сигареттерге акциз ставкасының мөлшерінен 70% деңгейіндегі акциз ставкасы айқындалды:
- 2023 жылы – 9 870 теңге /1 000 дана;
- 2024 жылы – 11 130 теңге /1 000 дана;
- 2025 жылы — 11 130 теңге /1 000 дана.
Одан бөлек, «салық және бюджетке төленетін басқа да міндетті төлемдер туралы» Қазақстан Республикасының кодексін (салық кодексі) қолданысқа енгізу туралы» Қазақстан Республикасы заңының 43-бабына өзгерістер енгізілді.
Электрон сигареттерде пайдалануға арналған картридждердегі, резервуарлардағы және басқа да контейнерлердегі никотині бар сұйықтыққа ставка артып:
- 2023 жылы – 53 теңге/сұйықтық миллилитріне;
- 2024 жылы – 55 теңге/сұйықтық миллилитріне;
- 2025 жылы – 55 теңге/сұйықтық миллилитріне құрайды.
Айта кетсек, денсаулық сақтау министрлігінің мәліметінше Қазақстанда ересектердің 21,5%-і темекі шегеді.