Бұл туралы Санжар Асфендияров атындағы қазақ ұлттық медицина академиясының жастар саясаты басқармасының басшысы Елнұр Асқаров айтты.
Оның айтуынша, медицина академиясындағы студенттердің ішінде 1 599 кәмелетке толмаған жасөспірімдер бар. Олардың барлығы ұжымдық иммунитетті нығайту үшін вакцинациялауға дайын. Сонымен бірге жоғары оқу орнының оқытушылар құрамының 100% вакциналанған.
Біз бір жарым жылға созылған шектеулерді есімізде жақсы сақтаймыз. Бұл жаңа оқу жылы вакцинацияның арқасында күндізгі форматта басталды. Егер біз санитария-эпидемиология ережелерін сақтауды жалғастырсақ, егер жасөспірімдер вакцинацияланатын болса, біздің қала мен еліміз эпидемиология жағдайының нашарлауынан құтыла алады, — деді Елнұр Асқаров.
Бізде АМСК клиникасы бар. Кеше біз 18 жасқа толмаған вакциналанбаған студенттердің тізімін, ата-аналардың рұқсаттарын жинадық және екпе жасай бастадық, — деді ол.
ҚазҰМУ өкілі өзі «Спутник V» препаратымен алғашқы алматылықтардың қатарында вакциналанғанын, екпені ауыстыру ұсыныстарын ескере отырып, ревакцинациядан өтуді жоспарлап отырғанын айтты.
