Бұл туралы Атырау облысы төтенше жағдайлар департаментінің баспасөз қызметі хабарлады.
Оқыс оқиға кеше, 20 қыркүйекте сағат 18.42 шамасында болған.
Департаменттің диспетчерлік пультіне «Атырау-Индер» тас жолындағы Бесікті ауылының тұсында жанар-жағармай тасымалдайтын көлік өртеніп жатқаны туралы хабар түсті. Оқиға орнына жедел жеткен өрт сөндірушілер сыйымдылығы 23 тонналық жүк көлігінің кабинасы толық өртенгенін анықтады. Жалын сағат 19.09-да оқшауланып, сағат 19.13-те сөндірілді. Өртті сөндіруге арнаулы қызметтің 8 қызметкері мен 2 көлігі жұмылдырылды. Көліктің өртенуіне электр жүйесінің қысқаша тұйықталуы себеп болған, — делінген хабарламада.
