Өрт шыққан Үшбұлақ (120 тұрғын), Жібек жолы (500 тұрғын), Қайнар (85 тұрғын) елді мекендері Тараздан 20 шақырым қашықтықта, оңтүстік-шығыс бағытында орналасқан.
Ластаушы заттардың шоғырлануы келесі химиялық қосылыстар бойынша өлшенді: қалқыма заттар (шаң), азот диоксиді/оксиді, күкірт диоксиді, көміртек оксиді, формальдегид және фтор сутегі. Өлшеу 5 нүктеде жүргізілді. Олар:
№ 1 нүкте: Тараз-Алматы трассасы, Тараз қаласынан 5 шақырым жерде. Іріктеу уақыты 10с:40 минут, оқ — дәрі қоймасынан қашықтық 14 шақырым құрайды, атмосфералық ауа температурасы 30,4 0С, желдің жылдамдығы 4 м/с, бағыты оңтүстік-батыс; радиация деңгейі 0,12 мкзв/сағ.
№ 2 нүкте: Байзақ ауылынан 500 метр бұрылыста. Іріктеу уақыты 11с:15 минут, оқ-дәрі қоймасынан қашықтық 12 шақырым құрайды, атмосфералық ауа температурасы 33,2 0С, желдің жылдамдығы 8 м/с, бағыты оңтүстік, оңтүстік-батыс, радиация деңгейі 0,17 мкзв/сағ.
№ 3 нүкте: Байзақ ауданы Үшбұлақ кентінің маңында. Іріктеу уақыты 11с:50 минут, оқ-дәрі қоймасынан қашықтық 8 шақырым құрайды, атмосфералық ауа температурасы 34 0С, желдің жылдамдығы 7 м/с, бағыты оңтүстік-батыс, радиация деңгейі 0,15 мкзв/сағ.
№4 нүкте: Байзақ ауданы Жібек жолы кентінің маңында. Іріктеу уақыты 12с:28 минут, оқ-дәрі қоймасынан қашықтық 3,5 шақырым құрайды, атмосфералық ауа температурасы 28,2 0С, желдің жылдамдығы 7 м/с, бағыты оңтүстік, оңтүстік-батыс, радиация деңгейі 0,17 мкзв/сағ.
№5 нүкте: Сарыкемер ауылынан шығу жерінде. Іріктеу уақыты 13с:10 минут, оқ – дәрі қоймасынан қашықтық 10 шақырым құрайды, атмосфералық ауа температурасы 30 0С, желдің жылдамдығы 7 м/с, бағыты оңтүстік, оңтүстік-батыс, радиация деңгейі 0,15 мкзв/сағ.
«Қазгидромет» РМК хабарлауынша, өлшеу нәтижелері бойынша ластаушы заттардың шекті рұқсат етілген концентрациясы мен радиация деңгейінің артуы анықталған жоқ.