Токиодағы Олимпиада ойындарында 93 Ұлттық Олимпиада комитеті кем дегенде бір медаль жеңіп алды. Бұл — Олимпиада ойындарының рекорды. Бұл туралы Халықаралық Олимпиада комитетінің (ХОК) президенті Томас Бах мәлім етті. Олимпиаданың барлық жарысы көрерменсіз өтті.
Томас Бах Олимпиада COVID-19 таралмады. Ойынға қатысушылардың 0,02 пайызынан ғана оң сынама нәтижесі алынды. Бұл — өте төмен көрсеткіш.
Жалпы есепте бірінші орынды 39 алтынмен АҚШ құрамасы иеленді. Екінші орында 38 алтын медальмен Қытай тұр, ал Жапония үздік үштікте — 27 алтын медаль.
Қазақстан жалпы есепте 83-орынға тұрақтады. Ел командасы Олимпиада ойындарында сегіз қола медаль жеңіп алды. Олимп жүлдесін иеленген спортшылар тізімі:
— Елдос Сметов (дзюдо)
— Игорь Сон ( ауыр атлетика)
— Зүлфия Чиншанло (ауыр атлетика)
— Нұрислам Санаев (еркін күрес)
— Дархан Асаділов (каратэ)
— Софья Берульцева (каратэ)
— Сәкен Бибосынов (бокс)
— Қамшыбек Қоңқабаев (бокс)