Алдағы жылы дәрі-дәрмек тапшылығы болмайды. Биыл ерте қамданған фармацевтер препараттардың 94 пайызын дайындап қойған. Қазірде ең керекті дәрілердің 30 пайызы бірыңғай дестребютерлердің қоймаларына жеткізіліпті. Бұл туралы бүгін Орталық коммуникациялар қызметінде «СК-Фармация» жауапкершілігі шектеуші серіктестігінің басқарма төрағасы Нұржан Әлібаев мәлімдеді.
Алдын ала сатып алу нәтижесінде 11,7 миллиард теңге ақша үнемделген. Жалпы 2017 жылға фармацевтика саласына 108 миллиард теңге бөлініпті. Сондай-ақ дәріханалардағы баға мониторингі күшейтілмек. Заң бойынша препараттардың өзіндік құны 25 пайыздан аспауы тиіс деді басқарма төрағасы.
Нұржан Әлібаев, «СК-Фармация» ЖШС басқарма төрағасы: — Қазіргі таңда 902 препаратты сатып алдық. Соның 463-і – қазақстандық, отандық. 52 пайызды құрап отыр. Ал енді қазіргі таңда сапасы жөнінде халықаралық стандарттардан өткен. Біз қазіргі таңда осы 2017 жылдың дәрі-дәрмектерін осы 25-інен кейін қамтамасыз етуге дайынбыз. Егерде жергілікті әкімшіліктер кепілдік хаттар берсе, біз осының барлығын қамтамасыз етуге толық дайынбыз.
2 Пікір