Не болды?
Алматы – Өскемен тас жолында жол апатынан бес адам қаза болып, екі адам жарақаттанды. Бұл туралы Baribar.kz хабарлап отыр.
Мәлімет
26 маусым күні кешке Жетісу облысындағы Алматы – Өскемен тасжолында ірі жол апатынан бес адам қаза болды. Оның екеуі — жүргізуші, үшеуі — жолаушы. Тағы екі адам жарақаттанып, ауруханаға түсті. Екі көлік соқтығысқан жол апаты Алматы – Өскемен автожолының 432-шақырымында болған. Қазір сотқа дейінгі тергеу ісі жүріп жатыр.
Контекст
Естеріңізге салайық, Алматы соты Әл-Фараби даңғылында болған жол апатына қатысы бар айыпталушыны 10 жылға бас бостандығынан айырды.
