Бұл туралы ол Facebook парақшасында хабарлады. Оның айтуынша, 24 ақпанда Ведомствоаралық комиссияда «жасыл» және «сары» аймақтағы жағдай талқыланған. Ол 1 наурыздан бастап күшіне енеді.
«Жасыл» аймақтағы өңірлерде:
- Спорт шараларының көрерменмен өтуіне (адам саны талқыланып жатыр);
- 50 адамға дейінгі еске алу шараларын өткізуге;
- Бильярдтардың жұмысына;
- Үй-жайлардағы балалар ойын-сауық клубтарының қызметіне;
- Цирк жұмысына рұқсат етілді.
«Сары» аймақ үшін:
- Жексенбі күні базарлардың, сауда ойын-сауық орталықтары мен сауда үйлерінің жұмысына шектеулер алынып тасталды.
Ashyq қосымшасы бойынша:
- Боулинг;
- Компьютер клубтары;
- Фитнес-орталықтар, бассейндер жұмыс істейді.
Айта кетейік, 24 ақпандағы жағдай бойынша «сары» аймақта Ақмола, Қостанай, Павлодар, Батыс Қазақстан облыстары мен Нұр-Сұлтан бар. Қалған өңірлердің барлығы «жасыл» аймақта орналасқан.