Министрлік «Қазақстан Республикасындағы мерекелер туралы» заңға сәйкес, мереке күндері қазақстандықтар жұмыс істемейтінін хабарлады.
31 желтоқсан Қазақстанда мереке күніне жатпайды. Еңбек кодексінің 85-бабының 3-тармағына сәйкес Үкімет жұмыс уақытын ұтымды пайдалану мақсатында мереке күндерін басқа жұмыс күніне ауыстыруға құқы бар. Үкіметтің 2019 жылғы 1 қарашадағы «2020 жылы демалыс күндерін ауыстыру туралы» қаулысына сәйкес, жұмыс күні болып саналатын 31 желтоқсан демалыс күніне ауыстырылған жоқ, — делінген министрлік таратқан хабарламада.
Еске салайық, бұған дейін Жаңа жыл мерекесінде қанша күн демалатынын хабарлаған едік.
Жаңа жыл мерекесіне орай 1-2 қаңтар демалыс, бірақ 2 қаңтар сенбіге түскендіктен демалыс күні 4 қаңтарға, дүйсенбіге ауысады. Осылайша, 5 күн жұмыс істейтіндер 1, 2, 3, 4 қаңтарда, ал 6 күн жұмыс істейтіндер 1, 2, 3 қаңтарда демалады.
Келесі демалыс 7 қаңтарға, бейсенбіге сәйкес келеді. Бұл күні қазақстандықтар Рождествоны атап өтеді.
