Кеше Egov.kz порталындағы карта ел ішінде дүрбелең туғызды, көпшілік бұл вирустың таралуы картасы деп түсінген. Шын мәнінде онда науқастармен қарым-қатынаста болған адамдардың орналасу аумағы көрсетілген. Бүгінде науқастармен қатынаста болғандардың бәрі медицина бақылауынан өтті, олардан жұқпалы ауру анықталған жоқ. Дүрбелеңге себеп жоқ, — деді Ақпарат және қоғамдық даму министрі.
Дәурен Абаев дәріханалардағы бетперде тапшылығына да түсінік берді.
Күн сайын өндірілетін бетперденің жалпы көлемі – 604 мың дана. Бұл көлем тәулігіне 1 миллион данаға дейін көбейтіледі. Сонымен бірге Нұр-Сұлтан мен Алматыда халықтың ауру жұқтыру қаупі бар бөлігіне бетперде тегін беріледі, — деді ол.
Еске салайық, кейінгі мәлімет бойынша Қазақстанда коронавирус жұқтырғандардың саны 62-ге жетті.
