Оның айтуынша, Қазақстанда тіркеліп отырған төртінші науқас 13 наурызда Алматыға Германиядан ұшып келген. Қазір ол стационарда емделіп жатыр. Өзі — Алматы тұрғыны. 1976 жылы туған, ер адам.
Бұған дейін Денсаулық сақтау министрі Елжан Біртанов Қазақстанда коронавирус жұқтырудың үш жағдайы тіркелгенін хабарлаған еді. Коронавирус Германиядан Алматыға ұшып келген екі адамнан және Нұр-Сұлтанға Италиядан ұшып келген бір адамнан табылды. Сонымен бірге Германияда Қазақстанның тағы бір азаматына «коронавирус инфекциясы» деген диагноз қойылғаны туралы ақпарат бар.