Қазақстан статистиктері есептеп шығарып жататын құрғақ мәлімет арасында қызық дерек те жиі ұшырасады. Baribar.kz ҚР Ұлттық экономика министрлігі Статистика комитеті жария еткен бірнеше танымдық тұжырымды жинады. 

Статистиктердің мәліметінше:

                                                      ***

Қазақстан әйелдері үй жұмысына: ас әзірлеуге, кір жууға, ыдыс-аяқ жууға, үй жинауға күніне орта есеппен 4 сағат 6 минут жұмсайды.

                                                     ***

Қазақстанда тәуелсіздік жылдары атмосфера ауасын ластайтын негізгі газдар – күкірт диоксиды мен азот оксидының бөлінуі екі есе азайды.

                                                     ***

Қазақстанның әрбір тұрғыны 310 келі қоқыс өндіреді, оның 2,6%-ы қайта өңделеді, қалғаны қоқыс үйіндісіне тасталады.

                                                     ***

Қазақстанда тауарды тегін жеткізу қызметі 96% жағдайда оны клиенттің сатып алуына ықпал етеді.

                                                     ***

Солтүстік Қазақстан облысы ерлерінің күніне 5 сағат 25 минут бос уақыты бар, ал Нұр-Сұлтан ерлерінің бір тәуліктегі бос уақыты бәрінен аз – 4 сағат 18 минут.

                                                     ***

Қазақстанда 10-14 жас аралығындағы балалар оқуға күніне орта есеппен 4,5 сағат жұмсайды.

                                                    ***

Қазақстандағы ауылдарының саны ең көп облыс – Түркістан. Өңірде 836 ауылдық елді мекен бар.

                                                   ***

Қазақстанның әрбір азаматы жылына орта есеппен 5,4 литр минералды су ішеді.

(Иллюстрация: Dribbble.com ©Kit8)