Тест: алғашқы медицина көмегін дұрыс көрсете аласыз ба?

Суға батып бара жатқан адамды жағаға қалай шығарған дұрыс?

Суға батып бара жатқан адамды шашынан қолтығынан ұстап алып шығады

Суға батып бара жатқан адамның бір қолын иыққа салып, сүйемелдеп жүзу керек

Суға батып бара жатқан адамды арқанмен байлап, иыққа салып жағаға алып шығады

Дұрыс! Қате!

Суға батып бара жатқан адамды бетін жоғары қаратып, шашынан немесе қолтығынан ұстап жағаға қарай жүзу керек. Құтқарушы адам өзін ұстатпауға тиіс. Өйтпеген жағдайда екеуі де бірге суға батып кетуі мүмкін.

Қай нұсқа инсульттің негізгі белгілерінің бірі саналады?

Тұла бойы ауырып, еріксіз зәр шығарады

Кеуде қуысы ауырады

Беті қисайып, сөйлеуге қиналады

Дұрыс! Қате!

Инсульт болған кезде адамның басы айналады және ауыра бастайды, дененің бір жақ бұлшықеті әлсірейді, бет қисаяды, сөйлеу қабілеті нашарлайды, көзі бұлыңғырлана бастайды.

Анаңыз тамақ дайындап жатып, қолын кесіп алды. Не істеуге кеңес бересіз?

5-10 минут ағын судың астында ұстап тұрсын деймін

Қауіпті жарақат емес, ештеңе істемесе де болады

Антисептикпен сүртуін сұраймын

Дұрыс! Қате!

Қолды кесіп алған кезде антисептик немесе сабынды ерітіндімен емдеу керек. Инфекцияның алдын алу және қан кетуді тоқтату үшін стериль таңғыш тағу қажет. Жара терең болса немесе қан ұзақ уақыт тоқтамаса, дереу ауруханаға бару керек.

Қыста автокөлігіңіз жолда тоқтап қалды. Біраз уақыттан соң бетіңіз бен аяқ-қолыңыз тоңа бастады. Сол кезде мына әдістің қайсысын істемеген жөн?

Бет тоңса, 10-20 рет еңкею керек.

Қол қолғап ішінде тоңса, жұдырықты түйген дұрыс.

Қол қолғап ішінде тоңса, алақан-білекті бұлғақтатып, жаттығу жасау керек.

Дұрыс! Қате!

Қол қолғап ішінде тоңса, алақан-білекті бұлғақтатып, жаттығу жасау керек. Жұдырықты түймеген дұрыс. Ал жалаң қолға қар тигенде саусақтарды қусырып, киімнің ішіне сұғу керек. Қол құрғап, жылығаннан кейін ғана қолғапты кию керек. Аяқ тоңса да, бұлғақтатып жылыту керек. Башпайларды сыздап ауырғанына қарамай, қиылдата берген жөн. Бет тоңса, қатты иіліп, біраз жүріп қайтқан дұрыс. 10-20 рет еңкеюге де болады. Бетті қатты желден тығыз бетперде арқылы қорғау қажет. Үсіген жерді жұмсақ шүберекпен ысқылауға болады.

Айтпақшы, жедел жәрдем шақыру үшін қай номерге хабарласасыз?

102

103

101

Дұрыс! Қате!

103 номеріне хабарласып, диспетчермен байланыса аласыз.

Адамды тоқ ұрғанда алдымен не істеу керек?

Электр құрылғысының өшкеніне тексеру

Күйген жерге суық су құямын.

Жарақаттанушының тыныс алып жатқанына көз жеткіземін.

Дұрыс! Қате!

Ең әуелі тоқ ұрған электр құрылғысының өшкеніне көз жеткізу керек. Себебі ол жарақаттанушыға да, көмектесуші адамға да қауіп төндіруі мүмкін.

Көшеде кенет ауа жетпей, тұншығып жатқан адамды көріп қалдыңыз. Ең бірінші әрекетіңіз қандай болады?

Жасанды тыныс алу әдісін қолданамын.

Қолмен кеуде қуысын басамын

Жедел жәрдем шақырамын

Дұрыс! Қате!

Ең әуелі жедел жәрдем шақырғаныңыз жөн. Содан кейін барып медицина қызметкерлері келгенше қолдан келетін көмек көрсетесіз.

Әлдебір зат денеге кіріп кетсе (мысалы, пышақ немесе темір сүйем), не істеу қажет?

Жараның жоғары жағын жгутпен байлап, кірген затты суырып алу керек

Кірген затты жарақат орнынан шығармай, жан-жағын таңу қажет

Денеге кірген затты дереу шығарып, жарақатты таңу керек

Дұрыс! Қате!

Адам пышақ, ағаш секілді заттардан жарақаттанған кезде оны жарақат орнынан суырып алуға болмайды.

Ініңіздің басына күн өтіп кетіпті, жылу соққысының алғашқы белгілері байқала бастады. Не істейсіз?

Көлеңке жерге отырғызып, салқын су ішкіземін.

Бас дәрісін беріп, көлеңке жерге отырғызамын

Бас киім кигіземін

Дұрыс! Қате!

Ең дұрысы - жылу соққысын алған адамды көлеңке жерге отырғызып, салқын су ішкізу. Маңдайына және желкесіне салқын компресс жасау қажет.

Әріптесіңіз мұрнынан аққан қанды тоқтата алмай әлек. Қалай көмектесесіз?

Басты шалқайту керек екенін айтамын

Бір жерге отырып, басты алға еңкейту керек деймін

Маңдайға жылы мата қою керек екенін айтамын

Дұрыс! Қате!

Зардап шегушіні отырғызып, басын алға қарай еңкейтіңіз. Қанның толығымен ағып кетуін қадағалаңыз. Мұрнын 10 минут екі саусағыңызбен қысып тұрыңыз. Ауызға қан толып қалса, оны жұтпай, бірден түкіріп тастау қажет: асқазанға түскен қан жүрек айнытуы мүмкін. 15 минут ішінде қан тоқтамаған жағдайда, мұрынға тығын (тампон) салынады. Мұндай жағдайда дәрігерге көрінген жөн.