«Талғарбөлімшесін тонау кезінде Kaspi Bank шығын көлемі 40 млн теңгені құраған. Аталғансома толықтай банктің өз есебінен жабылады. Біз үшін ең маңызды нәрсе — клиенттеріміз бен қызметкерлеріміздің өмірі мен денсаулығы. Қалғаны орны толатын олқылықтар», — дейді банктің баспасөз қызметі.
Сондай-ақ, банк басшылығы қылмыскер туралы ақпарат үшін 5 миллион теңге сыйақы тағайындады.
«Kaspi Bank 22 тамыз күні Талғар қаласындағы бөлімшеге қарақшылық шабуыл жасауға қатысы бар қылмыскерлерді ұстауға мүмкіндік беретін маңызды ақпаратты ұсынғандарға 5 миллион теңге сыйақы береді. Бұл ақпаратты банктің Қауіпсіздік қызметіне +7 747 388 29 34 телефоны арқылы хабарлауға болады», — деп жазылған хабарламада.
Банктің баспасөз қызметінен мәлім еткендей, қарақшылық шабуыл кезінде ғимаратта банк клиенттері болмаған. Банк қызметкерлері де зардап шеккен жоқ.
