Қасым-Жомарт Тоқаев Таяу Шығыстағы соғысты тоқтату туралы келісімді қолдады. Бұл туралы Baribar.kz хабарлап отыр.
Президент Қасым-Жомарт Тоқаев Пәкістан премьер-министрі Шахбаз Шариф пен Пәкістан қарулы күштерінің бас қолбасшысы, фельдмаршал Асим Мунирдің араағайындығы арқылы Таяу Шығыстағы соғысты толық тоқтату және бітімге келу туралы келісімге қол жеткізілуін құптайды, — делінген Ақорда хабарламасында.
Бұл келісім АҚШ президенті Дональд Трамптың және Иранның жоғарғы басшылығының, сонымен бірге әскери қақтығысқа қатысқан елдердің ізгі ниеті мен парасаттылығының арқасында мүмкін болды.
Мемлекет басшысы әлемдік сауданың дамуына және барлық мемлекеттің экономикалық өркендеуіне жағдай жасау мақсатында қол жеткізілген бітімгершілік келісімнің ұзақ мерзімді сипатқа ие болатынына үміт білдірді.
