Не болды?
25 ақпанда Қарағанды облысында Су-30СМ жойғыш ұшағы апатқа ұшырады. Бұл туралы Baribar.kz хабарлап отыр.
Мәлімет
Қорғаныс министрлігінің мәліметіне қарағанда, ұшақ экипажы дер кезінде катапульт жасады. Ұшқыштар аман-есен, өмірі мен денсаулығына қауіп жоқ. Қазір дәрігерлер қадағалап отыр.
Ұшақ құлаған аумақ қоршауға алынды. Тұрғындар мен инфрақұрылым нысандарына еш қауіп жоқ. Апаттың себебін, мән-жайын анықтау үшін қорғаныс министрлігі арнайы комиссия құрды. Комиссияны ұшу қауіпсіздігі департаменті басқарады, — делінген хабарламада.
Анықтама
Катапульт — апат кезінде автоматты түрде арнайы механизм арқылы ұшқыштың сыртқа шығып, парашютпен жерге қонуы.
Контекст
Естеріңізге салайық, былтыр Ақтау маңындағы ұшақ апатына қатысты жаңа тергеу деректері жарияланған еді.
