Ауыл шаруашылығы министрлігі отандық өндірушілерді қолдау үшін ЕАЭО және үшінші елдерден тауық жұмыртқасын әкелуге уақытша тыйым салды.
Министрліктің бұйрығы 11 желтоқсанда күшіне енді.
Қазақстан аумағына аумағына барлық көлік түрлерімен үшінші елдерден және Еуразиялық экономикалық одақ елдерінен тауық жұмыртқаларын (СЭҚ ТН: 040721) әкелуге бір ай мерзімге уақытша тыйым салынды, — делінген хабарламада.
Бірақ бұл тыйым Қазақстан арқылы транзитке, сондымен қатар тауар ЕАЭО-ның бір елінен екінші еліне өтіп жатса қолданылмайды.
АШМ тағамға қолданылатын жұмыртқа импортына уақытша тыйым отандық тауар өндірушілерді қолдау мақсатында енгізіліп жатқанын атап өтті.
