9 ақпан күні Қазақстан аумағының басым бөлігінде атмосфералық фронттарға байланысты ауа райының тұрақсыз сипаты сақталады. Бұл туралы «Казгидромет» хабарлады.
Қар аралас жаңбыр жауады. Еліміздің солтүстік өңірлерінде қатты жауын-шашын болады.
Синоптиктердің мәліметінше, өңірлерде жел күшейіп, тұман түседі, көктайғақ болады. Солтүстік және солтүстік-батыс аймақтарда боран соғады.
Ақмола облысының шығысында сонымен қатар Солтүстік Қазақстан және Павлодар облыстарында, Абай облысының батыс және солтүстік, орталық аймақтарында, түнде Қостанай облысының оңтүстік және шығыс бөліктерінде жылдамдығы 30 м/с дейін қатты жел соғады деп күтіледі.
