Биыл Қазақстанда 1 811 көлік өртенді. Бұл туралы төтенше жағдайлар қызметінің баспасөз қызметі хабарлады.
Былтырғы осы уақытпен салыстырғанда өрт 14%-ке азайған. Өртенетіндер негізі – жеңіл автокөліктер. Олардың көрсеткіші – 77%. Негізгі себептері:
- автокөлік құралында электр жабдығын орнату және пайдалану қағидаларын бұзу;
- қолдан газ жабдықтарын орнату;
- отын және электр жүйесінің істен шығуы;
- қозғалтқыштарды ашық от көздерімен жылыту;
- қасақана өртеу.
Ведомство автокөлік иелеріне өрт қауіпсіздігі шараларын сақтауды және қолында жарамды өрт сөндіргіштің болу керектігін ескертеді.
