Ленин атындағы кеніште болған ТЖ дерегі бойынша ҚР қылмыстық кодекстің 277-бабы 3-бөлігі бойынша қылмыстық іс тіркелді. Оқиға орнында Қарағанды облысы полиция департаментінің жедел-тергеу топтары жұмыс істейді. Қазіргі уақытта барлық қажетті тергеу әрекеттері жүргізіліп жатыр, — деді Қарағанды облысы полиция департаментінің баспасөз қызметі өкілдері.
Еске салайық, бұған дейін Қарағанды облысының Шахтинск қаласында «АрселорМиттал Теміртау» шахталарының бірінде газ шыққанын хабарлаған болатынбыз.
