Әуежайда спортшыны туыстары, достары, шенеуніктер, БАҚ өкілдері және жанкүйерлері күтіп алды.
Елена Рыбакина қазақтың ұлттық тағамдары — қымыз бен бауырсақтан дәм татты.
Мені қолдаған, осында келген баршаңызға алғысым шексіз. Ертең баспасөз жиыны өтеді, барлық сұраққа қуана жауап беремін. Келгендеріңізге көп рақмет! — деді спортшы.
Айта кетейік, спортшы 12 шілде 15:00-де Нұр-Сұлтандағы The Ritz-Carlton-да журналистерге баспасөз мәслихатын өткізеді, содан кейін жас спортшылармен және жанкүйерлермен кездеседі.
Еске салайық, қазақстандық Елена Рыбакина «Уимблдон» турнирінде тарихи жеңіске жеткен болатын.
