Президент жарлығы: 1 қазанда полицейлерді аттестаттау басталады

Қазақстан Президентінің 2019 жылғы 18 наурыздағы жарлығына полиция қызметкерлерін 2019 жылғы 1 қазан мен 2020 жылғы 31 наурыз аралығында кезектен тыс аттестаттау туралы өзгеріс енді.

полиция
Фото: Алматы облысы әкімінің баспасөз қызметі

Қасым-Жомарт Тоқаев ҚР Президентінің 2019 жылғы 18 наурыздағы № 879 “Қазақстан Республикасы ішкі істер органдарының полиция қызметкерлерін кезектен тыс аттестаттаудан өткізу туралы” жарлығына өзгеріс енгізу туралы жарлыққа қол қойды.

Қасым-Жомарт Тоқаев бұған дейін Нұрсұлтан Назарбаев шығарған жарлыққа мынадай өзгеріс енгізді:

3-тармақ мынадай редакцияда жазылсын: Қазақстан Республикасы Президентінің Әкімшілігі, Қазақстан Республикасының Ішкі істер министрлігі Қазақстан Республикасы ішкі істер органдарының полиция қызметкерлерін кезектен тыс аттестаттауды 2019 жылғы 1 қазан мен 2020 жылғы 31 наурыз аралығында өткізсін, сонымен бірге осы жарлықтан туындайтын өзге де шараларды қабылдасын.

Жарлық қол қойылған күнінен бастап қолданысқа енгізіледі.

Біздің Telegram-каналымызға жазылыңыз!