Астана тұрғындары «Көктал-1» тұрғын үй алабындағы өрттен қаза тапқан бес баланың сүйегін жер қойнына тапсырды.
Марқұмдарды ақтық сапарға шығарып салуға халық көп жиналды. Көпшілік алдына имам шығып, жаназа оқыды.
Прощание с погибшими при пожаре детьмиВ Астане проходят похороны пятерых детей из одной семьи, погибших при пожаре в съемной времянке в массиве Коктал-1.
Опубликовано Radio Azattyq Понедельник, 4 февраля 2019 г.
4 ақпанға қараған түні Астананың Сарыарқа ауданындағы «Көктал-1» тұрғын үй алабында жеке үй өртенді. Өрт салдарынан 2006, 2009, 2014, 2016 және 2018 жылдары туған бес қыз бала қайтыс болды. Балалардың ата-анасы бұл кезде жұмыста болған. Астана әкімі Бақыт Сұлтанов қайғылы оқиғаға байланысты шұғыл жиын өткізіп, өрттің мән-жайын анықтауды тапсырды.
Үкімет басшысы Бақытжан Сағынтаев ірі төтенше оқиға қайталанбауы үшін Ішкі істер министріне және облыс әкімдеріне тапсырма берді.
