«Қазгидромет» кәсіпорны 3-5 қараша күндеріне арналған болжамды ұсынады.
Баренц теңізінде қалыптасқан атмосфералық фронттар Қазақстанға бірінен кейін бірі жылжиды. Сондықтан алдағы демалыс күндері республиканың басым облыстарында жауын-шашынды, тұманды және көктайғақты бұлыңғыр ауа райы қалыптасатыны болжанып отыр, — делінген гидрометеорологтардың хабарламасында.
Мамандардың мәліметінше, мұндай ауа райы — қарашаның басы үшін қалыпты жағдай. Еске салайық, бұған дейін «Қазгидромет» РМК қараша айында ауа райы қандай болатынын хабарлаған еді.