«Қазгидромет» РМК мамандары бүгін Қазақстан аймақтарында болатын ерекше метеорологиялық құбылыстар туралы болжамын ұсынады.
Мамандардың мәліметінше, 1 қазан күні Қазақстанның басым бөлігінде атмосфералық ағымдардың өтуіне байланысты жаңбыр жауады, оңтүстікте найзағай ойнайды. Республиканың кей аймақтарында жел күшейіп, солтүстік-батыста және шығыста тұман түседі.
Шығыс Қазақстан облысында түнде және таңертең кей жерлерде тұман түседі, күндіз секундына 15-20 метрге жететін жел соғады, екпіні 23 метрге дейін күшейеді. Алматы облысы Жалаңашкөл ауданында жел секундына 17-22 метрге дейін күшейеді. Түнде Қызылорда облысының кей жерлерінде найзағай ойнайды. Ақмола, Солтүстік Қазақстан, Қостанай, Павлодар, Қарағанды, Түркістан облыстарының кей жерлерінде де 15-20 м/с жел соғады, Ақтөбе облысының кей жерлерінде тұман түседі.
Түркістан, Қызылорда, Жамбыл, Алматы, Атырау, Ақтөбе, Қарағанды облыстарында дала өрті қаупі күшті болады.