Қаланы аралау барысында Астана әкімі Бақыт Сұлтанов LRT көлік жүйесінің бірқатар жаңа станцияларын көріп, темірбетон шығаратын полигонды, Есіл өзені арқылы өтетін жаңа көпірді аралап, Мыңжылдықтар аллеясы құрылысымен танысты. Бұл туралы Астана әкімінің баспасөз қызметі хабарлады.
Қазіргі таңда құрылысшылар инженерлік желілер мен желіге арналған сәулелерді дайындап жатыр. Жобаны іске асыру барысы туралы Астана қаласының әкіміне LRT құрылысы жөніндегі дирекция ЖШС директоры Әділша Ермұханов баяндады.
Жоспарға сәйкес LRT әуежай мен жаңа «Нұрлы жол» теміржол вокзалын байланыстырады. Жол ұзақтығы 22,4 км, қала бойынша 18 станция және 19 жылжымалы құрам болады.
Анықтама:
Құрылыстың негізгі жобасы 2017 жылы мамыр айында қытай компаниялары кәсіпорындарының консорциумы қолдауымен басталған. Осы жылдың 13 қыркүйегінде нысанда мынадай жұмыстар атқарылды:
— буронабивті қадалар – 3 764 дана (90% — жоба бойынша барлығы 4 203 дана);
— ростверт – 675 дана (61% — жалпы жоба бойынша 1 110 дана);
— тіректер және колонналар – 455 дана (41% — жоба бойынша барлығы 1 114 дана);
— құрама арқалықтар – 268 дана (34% — жоба бойынша барлығы 782 дана);
— депо объектілерінде 3 687 қада қағылды.
Қазіргі таңда жылу желілерінің 98% дайын (қайта құрылды) (2,2 км), су құбыры 89% (3,2 км), шаруашылық-тұрмыстық және нөсерлік кәріздің 65% (6,2 км), электрмен жабдықтау желілері 90%-ға (100,3 км), байланыс 97% (165 км) атқарылған. Осы жылы жұмыстар толық аяқталады. Құрылыс нысанының желілерінде шамамен 2,5 мың жұмысшы және 155 бірлік ауыр техника жұмыс істеп жатыр.
Сонымен қатар Бақыт Сұлтанов темірбетон шығаратын полигонға және Есіл өзені арқылы өтетін жаңа көпірге барды.