Германияда теракт орын алды. Елдің ресми билігі әзірге бұл оқиғаны теракт деп атамағанымен, оқиға желісін теракт деп бағалауға толық негіз бар дейді саясаттанушылар.
18 шілдеде, Вюрцбург бағыты бойынша жылжыған поезда 17 жасар ауғандық босқын «Аллаху Акбар» деп айғайлап, балта мен пышақ алып, жолаушыларға тап берген. Салдарынан 19 адам жараланып, 3-еуі ауыр халде жатыр. Оның қандай да бір террорлық топтарға қатысы бар-жоғы тексеріліп жатыр. Қаскөй қылмыс орынында құқық қорғау органдарының оғынан қаза тапты.