«Қазгидрометтің» хабарлауынша, 23 тамызда республиканың кей жерлерінде жаңбыр жауып, найзағай ойнайды, шаңды дауыл соғады, еліміздің шығысында бұршақ жаууы мүмкін.
Солтүстікте түнде және таңертең жекелеген аудандарда тұман түседі. Оңтүстікте, оңтүстік-шығыста және оңтүстік-батыста ауа райы жауын-шашынсыз болады.
Шығыс Қазақстан облысының кей жерлерінде жел 15-20 м/с-қа күшейіп, бұршақ жаууы мүмкін. Ақмола, Павлодар, Түркістан, Батыс Қазақстан, Қостанай, Жамбыл, Атырау, Ақтөбе, Қарағанды облыстарында да жел екпіні 15-20 м/с-қа жетеді.
Солтүстік Қазақстан облысында түнде және таңертең тұман түседі. Қызылорда, Жамбыл, Түркістан облыстарында, Ақтөбе, Атырау, Маңғыстау, Қарағанды, Қостанай облыстарының кей жерлерінде дала өрті қаупі күшті болады.