ҚР Сыртқы істер министрлігі Кабул әуежайында болған жарылысқа қатысты түсініктеме берді.
«Алдын ала мәліметтер бойынша Хамид Карзай атындағы халықаралық әуежайдағы жарылыс салдарынан қаза тапқандар арасында қазақстандықтар жоқ», — делінген хабарламада.
22 шілде күні Ауғанстан астанасындағы әуежайда жойқын жарылыс болған еді. Оқиға салдарынан 16 адам қаза тауып, тағы 60-ы жарақаттанды. «ДАИШ» (Қазақстан және өзге де бірқатар мемлекеттер аумағында тыйым салынған) лаңкестік тобы жарылысты өз мойнына алды және террорлық актінің мақсаты Ауғанстанның бірінші вице-президенті Абдул Рашид Дустумның көзін жою болғанын хабарлады.
