Кәсіпкердің мұндай қайырымдылық іспен айналысуына оның салауатты өмір сүру салтын насихаттауға, жастарды спортқа баулуға деген құлшынысы себеп болған. Сонымен қатар ол қазақтың ұлттық сусынын танымал брендке айналдыруға ниетті.
Осы мақсатта Жыланды ауылында қатарынан 20 құлынды бие сауылып жатқан көрінеді. Сондай-ақ қымыздан басқа да сүт өнімдері дайындалып, оларда тегін таратылуда. Ол жерде жұмыс істеп жатқан сауыншылар мен жұмысшыларға Бауыржан Оспанов өз қалтасынан еңбекақы төлеп отыр.
Естеріңізге сала кетейік, «Форбс» журналының тізімі бойынша Бауыржан Оспанов Қазақстандағы ең бай 50 бизнесменнің қатарына кіреді. 2015 жылы оның жеке капиталы 203 миллион долларға тең болған.