Баян Есентаева соққыға жығылып, жансақтау бөлімінде жатыр

ІІД мәліметінше, Баян Есентаева бүгін, 10 маусымда Алматы облысындағы Құлжа тас жолының бойында соққыға жығылған. Бұл дерекке байланысты ҚР Қылмыстық кодексінің 106-бабы бойынша («Денсаулыққа қасақана ауыр зиян келтiру») сотқа дейінгі тергеу жүріп жатыр. Күдікті ретінде оның күйеуі тіркелген. Оған қатысты бұлтартпау шарасын таңдау мәселесі шешіліп жатыр.

Ал «Время» газетінің мәліметінше, оқиға 12.15-те бензин құю бекетінің алдында адамдардың көзінше болған. Алдын ала болжам бойынша, ер адам Баян Есентаеваны қатты ұрып-соғып, ішіне пышақ салған. Куәгерлер оқиға орнына жедел жәрдем мен полицияны шақырған. Есентаева ауруханаға жеткізіліп, дереу ота жасалыпты. Ауруханада жасалған жазбаға қарағанда, продюсер пышақ жарақатын, бассүйек ми жарақатын алған және мұрны сынған. Ұсталған ер адам Талғар аудандық ішкі істер басқармасына жеткізілген. Газеттің дереккөзінің мәліметінше, Баян Есентаева пышақ жарақатын алып, көп қан жоғалтқан, алайда оның өміріне еш қауіп жоқ екен. Қазіргі уақытта ол жансақтау бөлімінде жатыр.

Ал, продюсердің өзі бұл оқиғаны жоққа шығарды. Қазіргі уақытта продюсер отбасымен Германияда демалып жатыр екен.

«Сіздің сөздеріңізге қатты таң қалдым. Менде бәрі жақсы. Германиядағы check-up(профилактикалық медициналық тексеру)-қа келдім. Күйеуім жанымда», – дейді Есентаева телефон арқылы берген сұхбатында, – деп хабарлады total.kz.