«2018 жылғы 21 маусымнан (04:00) 22 маусымға (04:00) дейін Керей-Жәнібек хандар көшесінің Тұран даңғылынан Қабанбай батыр даңғылына дейінгі учаскесінде жөндеу жұмыстарының жүргізілуіне байланысты, автобустар қозалысы шектеледі», — делінген хабарламада.
№40 автобус «Емханалық оңалту кешенінен» Ұлы Дала-Қабанбай батыр қиылысына дейін өзгеріссіз, осы жерден солға — Ұлы Дала көшесіне, оңға — Тұран даңғылына бұрылып, ары қарай бұрынғы бағдар бойынша жүреді. Кері бағдары да дәл солай.
№50 автобус «Бал бала» аялдамасынан Сығанақ көшесі-Тұран даңғылы қиылысына дейін өзгеріссіз, осы жерден солға — Сығанақ көшесіне, оңға — Қабанбай батыр даңғылына бұрылып, медицина мекемелері ауданына кіреді. Қайтарда осы бағытпен, бірақ медицина мекемелері ауданына кірмей өтеді.
№51 автобус «Ақмола облысының №2 ауруханасы» аялдамасынан Сығанақ көшесі-Қабанбай батыр даңғылына дейін өзгеріссіз, ары қарай медицина мекемелері ауданына кіріп, Қабанбай батыр даңғылымен жүреді. Қайтарда осы бағытпен, бірақ медицина мекемелері ауданына кірмей өтеді.
№53 бағдар «Шарын базары» аялдамасынан Сығанақ көшесі-Тұран даңғылы қиылысына дейін өзгеріссіз, ары қарай медицина мекемелері ауданына кіріп, Қабанбай батыр даңғылымен жүреді. Қайтарда осы бағытпен, бірақ медицина мекемелері ауданына кірмей өтеді.
№61 автобус «№81 мектеп-лицей» аялдамасынан Е-10 көшесі мен Тұран даңғылының қиылысына дейін бұрынғы бағдар бойынша, ары қарай Сығанақ көшесімен жүріп, оңға — Қабанбай батыр көшесіне бұрылады, медицина мекемелері ауданына кіріп өтеді. Қайтарда осы бағытпен, бірақ медицина мекемелері ауданына кірмей өтеді.
