«Қазтехнологиялар» АҚ басқарма төрағасы Талғатбек Айтқожиновтің айтуынша, жарамсыз болып қалған оқ-дәрілерді сақтау, бір жағынан, қауіпті, екінші жағынан, артық шығындарды қажет етеді.
«Осынау ауқымды жобаны іске асырудан тыс, Қарулы Күштерде және басқа да күштік құрылымдарда пайдаланылмайтын оқ-дәрілерді жоюмен, сондай-ақ бұрғылау-жару қызметімен де айналысамыз», — дейді.
Қазіргі кезде Жамбыл облысының Отар ауылындағы және Оңтүстік Қазақстан облысының Арыс қаласындағы оқ-дәріні жою учаскелерінде жұмыс жүріп жатыр. Жарамсыз оқ-дәріні жоюға 200-ге жуық жоғары білікті инженер-техникалық маман мен өндірістік жұмысшы жұмылдырылған.
