Moldanazar тобы қазақстандық эстрада өнер нарығының тарихында алғаш рет АҚШ-тың төрт ірі қаласына концерт беретін топ болып отыр.
Жақында Facebook желісінде қызықты сауалнама жүргізілген. Ол жерде қолданушылардың «АҚШ-та жеке концерт беруге лайықты «Ең үздік отандық әртіс» тақырыбында дауыс беруі бойынша жеңімпаз анықталды.
Нәтижесінде дауыс беруге қатысқандардың барлығы жеңіске лайықты деп «Moldanazar» тобын таңдады.
Отандық шоу-бизнесте ерекше орны бар, талантты жас әнші, композитор Ғалымжан Молданазар өзінің бірегей әрі тек туған тілімізде жазылған туындыларымен Қазақстанда ғана емес, алыс-жақын шетелдерде де танылып үлгерген музыкант. Оның ойлап тапқан қазақтілді синти-поп және фанк стилі — музыка әлеміндегі жаңашылдық.
Қазір Ғалымжан Молданазар «Moldanazar» тобымен жұмыс жасайды.
Тарихи шоудың жүргізушісі – әзілқой-стендапер Ілияс Жапаров және ТМД-дағы танымал блогерлердің бірі, қырғызстандық Эльдана Сатыбалдиева (Eldana Foureyes) болады деп жоспарланып отыр.
Ұйымдастырушылардың айтуынша, бұл АҚШ-тағы қазақ диаспорасы үшін тарихтағы ең үлкен музыкалық шоу болады.
