Байқауға 2017 жылы эфирге шыққан бірегей теледидарлық жобалар қатыса алады. Жүлдеге ұлттық және аймақтық телевизиялық компаниялар, студиялар, продюсерлік орталықтар және теледидарлық контент шығаратын басқа да медиа-индустрия мекемелері үміткер бола алады.
Үміткерлердің өтінімдері 1 – наурызға дейін қабылданады.
2018 жылы жеңімпаздар келесі номинациялар бойынша анықталады: үздік деректі фильм, үздік телехикая, үздік әлеуметтік жоба, үздік ақпараттық бағдарлама, үздік аймақтық телеарна, үздік білім беру бағдарламасы, телевизиялық маусымның үздік оқиғасы, «телевияға 60 жыл» – телевизия дамуына қосқан үлесі үшін және үздік ойын-сауық жобасы.
Сонымен қатар, үздік режиссерлік жұмысқа, үздік операторлық жоба үшін, жылджың үздік тележүргізушісіне және үздік тележурналистке де арнайы жүлделер тағайындалған. Астананың 20-жылдық мерейтойына арналып, «Астана туралы үздік жоба» номинациясы бойынша жүлде беріледі.
«Тұмар» ұлттық телевизиялық бәйгесі Қазақстан Республикасының Ақпарат және коммуникациялар министрлігі тарапынан ең сапалы және заманауи теледидарлық мазмұнын анықтау, талантты мамандарды қолдау, отандық телевизия мазмұнын жетілдіруге және қазақстандық жоғары сапалы теледидарды дамытуға ынталандыру мақсатында құрылған.