Ақтөбелік педагог Азамат Киреевтің жобасындағы есептің бәрі мектеп бағдарламасына негізделген. Дегенмен, оқулықтағы тапсырмалар көшірілмейді. Қазір сайтта 2 мыңнан астам есеп бар, 1 мыңнан астам есептің шешімі шығарылды.
«2013 жылы логикалық, мәтіндік тапсырмаларды орындай алатын әдіс ойлап таптым. Мәселен, ата-аналар: «Балам пайыздық үлесті шығара алмайды»,- деп айтады. Мен пайызды шығаратын 100 есеп беремін. Бірінші есепті шешеді. Бірден жауабы айтылады. Көптеген сайтта бұл жоқ. Жауап берген соң бейне шешімі шығарылады. Тетікті басып, арнайы жүктемеден есептің шешімін қарауға болады. Яғни, «мұғалім» шаршамайды, қайталап көрсете береді. Бір сәтте 10 мың оқушыны қамтуға мүмкіндік бар», — деді Азамат Киреев.
Аталған жоба Ақтөбе облысы әкімінің грантына ие болды. Қазір №3 орта мектеп оқушылары тәжірибеден өткізіп жатыр. Жаңа әдіспен есеп шығаруды үйренген балалар бір аптада жетістіктерге жете бастаған.