Бүгін еліміздің басым бөлігінде күн ашық болады, түнде және таңертең республиканың солтүстік-батысында, таңертең және күндіз оңтүстікте, күндіз батыстың кей жерлерінде аздаған жаңбыр жауады, деп хабарлайды «Казгидромет».
Қазақстанның солтүстік және оңтүстік-шығысының кей жерлерінде жел күшейеді деп болжануда.
Батыс және солтүстіктің бірқатар аудандарында тұман түседі.
Алматы облысының Жалаңашкөл аумағында желдің жылдамдығы 18-23 м/с күшейеді.
Солтүстік Қазақстан облысында күндіз жел күшейеді – 15-20 м/с, түнде және таңертең тұман түсуі мүмкін.
Маңғыстау облысының кей жерлерін тұман басады.